بابەتی گەرم:

پژاک: تۆڵەیان لێ دەکەینەوە

Friday, April 15, 2016



NNSROJ- پارتی ژیانی ئازادی کوردستان لە سەر کوژرانی دوو لایەنگری خۆی لە قەزای پێنجوێنی باشووری کوردستان، هاتە دەنگ و هەڕەشەی تۆڵەسەندنەوەی کرد.

رۆژی چوارشەممە ١٣ی نیسان، دوو هاووڵاتیی خەڵکی قەزای پێنجوێنی باشووری کوردستان بە ناوی "کەماڵ شێخ سادە" و "سدیق ساڵیاوا" لە لایەن چەند چەکدارێکی نەناسراوەوە رفێندران و دواتر تەرمەکەیان لە نزیک گوندێکی پێنجوێن دۆزرایەوە، لە کاتێدا چەند فیشەکێکیش لە جەستەیان درابوو.

مەجلیسی پارتی ژیانی ئازادی کوردستان(پژاک) بە دەرکردنی بەیاننامەیەک وێڕان ناوهێنانی ئەو دوو کەسە وەک "هەڤاڵی تێکۆشەر" و دڵسۆزی پارتەکەیان، رایگەیاند: "ئەو كەسانەی ئەو كردەوەیان ئەنجام داوە دەیانەوێت ئەوە بڵێن كە ئێمە رێگا نادەین كە قەزای پێنجوێن ببێتە دەروازەی شۆڕشی رۆژهەڵاتی كوردستان. بەڵام دەبێت ئەوەش بزانن كە نە تەڤگەری ئێمە و نە گەلەكەشمان رێگا بەوان نادەن كە ئەم قەزایە ببێتە هێلانەی ئاژاوەگێڕ و تیرۆریستان".

مەجلیسی پژاک لە کۆتایی بەیاننامەکەدا هەڕەشەی تۆڵەکردنەوەی لە بکەرانی ئەو رووداوە کردووە و رایگەیاندووە: "ئێستا بكەرانی ئەو كردەوە تیرۆریستییە لە لامان روون نەكراوەتەوە و بۆ روونكردنەوەشی هەوڵەكانمان بەردەوامە و ئەو بەڵێنەش دەدەین، لە ئەگەری ئاشكرابوونی بكەرانی ئەو كردەوەیە كە سەر بە چ لایەن، هێز و گرووپێك بێت، ئەوا بە توندی تۆڵەیان لێدەكەینەوە."

سەرچاوەکانی نزیک لە پژاک دەڵێن؛ پێشتر ئیتڵاعاتی کۆماری ئیسلامی ئێران بە هۆی پەیوەندی "کەماڵ شێخ سادە" لە گەڵ ئەو پارتە و یارمەتیدانی ئەو چالاکە سیاسی و مەدەنییانەی رۆژهەڵاتی کوردستان کە پەڕیوەی هەرێمی کوردستان دەبوون، چەندین جار هەڕەشەیان لە ناوبراو کردووە و جارێکیش تەقەی لێ کراوە.

 

پەیوەندی‌دار:

سەلاس و باوەجانی؛ تێکهەڵچوونی قورس هاتە ئاراوە

وەزیری دەرەوەی تورکیا: هیچ جیاوازییەک لەنێوان پەکەکە، پەیەدە و پژاک دانانێین

پژاک: "ئەندامێکی مەجلیس و دوو گەریلامان شەهید بوون"

تەگ:


مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە

راپۆرتەهەواڵ

analis picture

بەڵگەیەکی مێژوویی کۆمەڵەی ژ.ک کە بۆ جاری یەکەم بە زمانی کوردی بڵاو دەبێتەوە.


هەواڵ


دیمانە

Interview Picture

هونەرمەند ڕەشۆ کە بە ستایلی موزیکی بەرەنگاریی لە ناو موزیکی کوردیدا شوێنێکی دیار و بە رچاوی هەیە و خۆی بۆ ئایینی زەردەشت

شەممە ۲۲گۆڵان۱۳۹۷/ ۲۰:۳۱