بابەتی گەرم:

دۆخی تەندرووستیی گیراوێکی مانگرتووی کورد نالەبارە

Tuesday, April 19, 2016



NNSROJ- دۆخی تەندرووستیی ئەفشین سۆهرابزادە گیراوی سیاسیی کورد نالەبارە و بۆ دەربڕینی ناڕەزایەتیش مانی گرتووە و لێوی خۆی دوریوە.

چالاکانی مافی مرۆڤ لە ئێران دەڵێن؛ ئەفشین سۆهرابزادە گیراوی سیاسیی کورد کە بۆ زیندانی میناب دوورخراوەتەوە، نەخۆشیی شێرپەنجەی ریخۆڵە، خوێنبەربوون و کێشەی هەناسەدانی هەیە و لە بەرانبەر کەمتەرخەمیی لایەنە پەیوەندیدارەکانیش، پتر لە یەک هەفتەیە لێوی خۆی دوریوە و مانی لە خواردن گرتووە.

ماوەیەک لەمەوبەریش رێکخراوی ئەمنێستی ئینتەرنەیشناڵ لە بەیاننامەیەکدا، تیشکی خستبوە سەر دۆخی تەندرووستیی ئەو گیراوە کوردە و داوای کردبوو؛ چارەسەری پزیشکی بۆ بکرێت.

کەسوکاری ئەو گیراوە سیاسییە دەڵێن؛ پێشتر و لە کاتی لێپێچینەوەدا، ئەندامانی ئیتلاعاتی کامیاران سۆهرابزادەیان ئەشکەنجە کردووە و بە هۆیەوە ناوبراو تووشی کۆمەڵێک کێشەی تەندرووستی ببوو و بۆ ماوەی ١٠ رۆژیش لە نەخۆشخانەی سنە لە ژێر چاودێری پزیشکیدا راگیرابوو.

ئەفشین سۆهرابزادە ساڵی ١٩٩٠ لە دایک بووە، کۆتایی بەهاری ٢٠٠٩ لە سەر رێگەی سنە – کامیاران قۆڵبەست کرابوو و تۆمەتی ئەوەی درابوە پاڵ کە ویستوویەتی بچێتە ناو یەکێک لە حیزبە کوردییەکانی بەرهەڵستکاری ئێرانەوە.

دواتر لە دادگەیەکی شاری سنە، بە تاوانی ئەندامبوون لە پارتێکی ئۆپۆزسیۆندا سزای ٢٥ ساڵ زیندان بە سەر ئەو گیراوە کوردەدا سەپێندرا و بۆ زیندانی میناب دوورخرایەوە.

رێکخراوەکانی مافی مرۆڤی ئێران و جیهان بەردەوام رەخنەی ئەوە لە کۆماری ئیسلامیی ئێران دەگرن کە لە ئاست مافەکانی گیراوانی سیاسیی نێو زیندانەکانیدا کەمتەرخەمە و تەنانەت رێ بە چارەسەری پزیشکی ئەو گیراوانەش نادات کە دۆخی تەندرووستییان نالەبارە.

 

پەیوەندی‌دار:

وازهێنانی عەزیزی، دەرفەتێک بۆ حدک

کاتی فرۆشتنی حدکا و حدک هاتوە؟

عیرفان رەهنموون: لە پێوەندی لەگەڵ "ڕاسان" تا ئێستا یەک ڕەخنەی زانستییم نەدیتووە

کوژران و برینداربوونی سێ کۆڵبەر لە ورمێ

حافز نازری: هونەرمەندان بێ پشتیوان و تەنیان

تەگ:


مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە

راپۆرتەهەواڵ

analis picture

هەپەگە: تەقینەوەکەی جزیرە کاردانەوە بوو بەرامبەر بە بێئاگای لە ئۆجەلان


هەواڵ


دیمانە

Interview Picture

مانناسیی کۆمەڵایەتی زاراوەیەکە بۆ باسکردن و شیکردنەوەی هەموو بوارەکانی پێوەندی نێوان زمان و کۆمەڵ ، جگە لەو بوارانەی

سێ‌شەممە ۲۹نەورۆز۱۳۹۶/ ۱۷:۱۱