۱۰ چوارینە لە "ئارەش ئەفزەلی" هەرسین

Tuesday, May 10, 2016

(۱)
چه‌مم ئه‌سرین و دڵ پڕخۊن و له‌ش سه‌رد
دڵم پڕ زۊخ و پڕ ژان و پڕ ئه‌ژ ده‌رد
كی‌یه یێ‌گڕ بكیشیه كووڵ په ژاره‌م 
کووه مێتێ كۆڕه مێتێ جووان مه‌رد
(۲)
مه‌زانی زۆڵفه‌كه‌ت كۆشته‌م مه‌زانی 
تۆ باڵاكه‌م شكانی و چه‌مانی 
دۆما تۆ دی چه‌مه‌نیه داخم هێ داخ
شه‌و و ته‌نیایی و ده‌س ڤه زۆرانی
(۳)
گلاره راسه‌كه‌م گیانم چزانی 
خه‌ڤه‌ر نێری ڤه هاڵم كێ مه‌زانی
منم ئاواره‌كه‌ی كۆو و بیاوان
ته‌مۊره و شعر و دیلان و گوورانی
(۴)
ته‌مۊره ژه‌ن بژه‌ن جه‌رگم كه‌واوه
چوواری بۆخوه‌نم شعر‌ێ گ باوه 
ته‌مۊره‌ت هێزده و به‌ڵگێ ڤه ‌شعرێ
گڕێ بۆوڕیمه ئی گش ناهساوه
(۵)
یه‌واره ڤه‌خته و دڵمه مه‌ناڵێ
نه ڤیرێ پرچێ و شێڤه و خاڵێ
نه دڵ داسه كه‌سێ دڵ بێكه‌سێ دڵ
ڤه مردن كێنێ‌ئێ گیریایه هاڵێ
(۶)
شه‌قێ نیمه‌روو و خوه‌رێ برێژان 
گڕه و ئاگره و داڵ‌داڵه گێژان 
شنه‌فتم ڤه ده‌نگ ناڵینێكه مه‌وت
یێ كێنێ ئاوێ هه‌ر ڤاران ڤاران 
(۷)
شه‌وێ پڕ ئه‌ژ هه‌وار و ده‌رد و غه‌م بیم
سووارێ ئه‌ورێ پڕ ئه‌ژ دۊ و ته‌م چیم
ڤه گه‌ردێ مانگه‌شه‌و یێ گڕ م‌ ناڵیم
چكه‌چك ئه‌سرێ ئاساره ڤه چه‌م دیم
(۸)
دڵم ته‌نیا ڤه سینه خڕه‌ مارێ 
دڵم دڵخوه‌ش ڤه ناڵین و هه‌وارێ
هه‌ناسه سینه پڕ داخم پڕئه‌ژ زۊخ
ڤه گه‌ردم ئه‌ورێ خه‌مباره مه‌وارێ
(۹)
شه‌وه‌ل تا سۆ م هام‌ڕێ‌ێم په‌ژاره
بگر ئاگره كز سینه‌م دیاره
ئه‌گه‌ر دڵخوه‌ش بوو‌ وم سازێ بژه‌نم
ده‌نگێ ساز و ته‌مۊره‌م هه‌ر هه‌واره
(۱۰)
چه‌مه‌ڕێ¬یێ گه‌لاڕێژم بچوو دی
ڤه ڕێ ژینم سه‌ره لێژم بچوو دی
چه‌مه‌ڕێ چكه‌چك بارانێ چه‌ممم
تۆ ئه‌ێ خۊن‌ڕێژ و خۊن‌مێژم بچوو دی


پەیوەندی‌دار:

شیعرێکی حافز مووسەوی

"mongrel"

"که‌مینه‌گه‌ری ئه‌ده‌ب له‌ ده‌لاقه‌ی جیهانه‌ لێک هه‌ڵوه‌شاوه‌کان"

"بە بیانووی چاپی کتێبی "دستور زبان باران"

دوو شیعری "ئالان پەری"

تەگ:


مافی بڵاوکردنەوەی سەرجەم بابەتەکانی ناوەندی نووچە و شرۆڤەی رۆژ پارێزراوە

راپۆرتەهەواڵ

analis picture

هەپەگە: تەقینەوەکەی جزیرە کاردانەوە بوو بەرامبەر بە بێئاگای لە ئۆجەلان


هەواڵ


دیمانە

Interview Picture

مانناسیی کۆمەڵایەتی زاراوەیەکە بۆ باسکردن و شیکردنەوەی هەموو بوارەکانی پێوەندی نێوان زمان و کۆمەڵ ، جگە لەو بوارانەی

سێ‌شەممە ۲۹نەورۆز۱۳۹۶/ ۱۷:۱۱